Баагуугийн Блог

Монголд үүрэн телефоны операторууд үйл ажиллагаагаа явуулж эхэлснээс хойш гар утасны хэрэглээ өргөн хүрээтэйгээр тархсан ба уг хэрэглээ дундаа мессэж хэрэглээ нь илүү давамгай байгаа билээ.
Мөн мессэж дээр суурилсан үйлчилгээнүүд ч бас олноор нэвтрэх болсон. Эдгээр үйлчилгээнүүд нь хүүхэд залууст нэг их эерэг ач холбогдолгүй дэмий дансан дахь мөнгийг нь үрүүлэхэд зориулсан үйл ажиллагаанууд голлож байгаа нь харамсалтай.
Мессэж хэрэглээг FM радиогоор түргэн бичлэгийн уралдаан зарлаж тэнд түрүүлж бичсэнд нь шагнал урамшуулал олгох, дуу захиалж сонсох, мөн танилцах, хамт наргиж цэнгэх хүн хайж байна гэх мэтээр зар өгч ашиглаж байгаа нь улс орны болоод нийгмийн хөгжилд хэрэгцээгүй зүйл билээ.
Эдгээрээс үндэслэн нэгэнт хэвшил болсон энэ хэрэглээг яаж зүй зохистой хүнд хэрэгцээтэйгээр ашиглаж болох талаар тунгаасны эцэст интернэттэй уг хэрэглээг нягт уялдуулж чадах юм бол илvv vр єгєєжтэй хэмээн бодлоо.
Зарим оюутан сурагчидын мэдэхгүй буюу хийж чадахгүй байгаа хичээл, мэдээлэлийг мэддэг бусадтай нь холбож өгөх. Багшийн заасан хичээлийг цаг тухайд нь өөрийн болгож чадаагүй хэн боловч уг сайтаар дамжуулан бусдаас тусламж хүсэх, хүсэлтийн хариугаа зохих үнээр худалдан авах.
Худалдан авахдаа гар утасны нэгжээр мөн Paypal үйлчилгээгээр данснаас мөнгө шилжүүлэх журмаар тооцоог хийнэ.
Залуучуудын ялангуяа оюутан сурагчидын ихтернэтийн хэрэглээг өргөн хүрээтэй болгох. Мөн гар утасны хэрэглээг зөв зохистой ашиглах, хэрэгцээт зүйлдээ буюу өөрийгөө боловсруулахад зарцуулах, гар утасны хэрэглээг онлайнжуулахад тус нэмэр болохуйц сайтыг оюутан сурагчидын өдөр тутмын хэрэглээ болгож тvvнд хэрэглэгч бүртгэх ба уг vйлчилгээний гишvvн болоход үнэ төлбөргүй.
Энэ сайт нь Бага анги, дунд анги, төгсөх анги, 1-р курс, 2-р курс ......... гэсэн хэсгүүдтэй байна. Мөн хэсэг бүрт тэдгээрт ордог хичээлүүдийн дэд хэсгүүдтэй.
Нэвтэрч орсон хэрэглэгч өөрт тулгарч буй асуудлаар хандах ба тэнд төлбөргүйгээр өөрт хэрэгтэй байгаа бодлого, орчуулга , зөвлөгөө гэх мэт асуудлаа байрлуулна. Түүнийг шийдэж чадах өөр нэг хэрэглэгч сайтыг хариуцаж буй админд шийдлээ илгээхэд уг шийдэлийн үнэн зөв, шаардлагад нийцэх эсэхийг уг vйлчилгээг яуулж буй ажлын хэсэг хянаад илгээсэн хүний үнэлгээний хамт сайтад байрлуулахад хүсэлт гаргасан хэрэглэгч өөрийн утаснаас мессэж бичих журмаар данснаасаа төрбөрөө хийн хариултаа авах эрхийг авах юм.
Энэ нь үүрэн телефоны хэрэглэгчидийн дансний дүн бодит тєгрєгийн vнэлгээтэй дүйцэж байгаа учир гар утасны данснаас төлбөр хийх явдал илүү боловсронгуй байгаа юм. Хэрэглэгчийн асуудалд : бодож чадахгүй байгаа бодлого, ямар нэг хэлнээс орчуулга хийх, хийж чадахгүй байгаа ямар нэг хичээл, шийдэж чадахгүй байгаа асуудлууд гэх мэт юу ч байж болох..........
Миний санал болгож буй уг санаа нь хэрэгжүүлэхэд саад тотгор бага хэн бүхний дэмжих ашигтай бас хэрэгтэй , мөн зардал багатай тул хэрэгжүүлж хамтдаа хєгжvvлэхэд та бvхнийг туслана гэдэгт найдаж байна.